AMPATI: Me·chik aro bi·sarangni kosako ong·gija dakanirangko champengna gita Budbar salo South West Garo Hills a·jani District Level Coordination Committee, South West Garo Hills a·jani Deputy Commissioner Gideon Kharmawphlang-ni office chamber-o tom·e chanchirimangaha.
Ia tom·aniko South West Garo Hills a·jani Deputy Commissioner Gideon Kharmawphlang dilangengon, a·jao me·chik aro bi·sarangni kosako ong·gija dakani case-rangko nipilangaha aro iandakgipa kamrangko champengani bidingo committee-ni membor-rang baksa chanchirimangaha.
Ia tom·anio POCSO case aro bilsi sokgijagipa me·chik bi·sarangni an·o donganirang batroroengani giminba chanchirimangaha aro iarangni bidingo manderangna mikrakatanirangko on·na nangengani gimin chanchirimangaha.
Neng·nikanirangko chagrongna nangenggipa me·chik aro bi·sarangna dakchakanirangko on·enggipa one stop centre-ko chalaianio tangka paisani gita neng·nikanirangko chagrongna nangengani giminba ia tom·anio District Level Coordination Committee-ni gita chanchirimangaha.
Me·chik aro bi·sarangni kosako ong·gija dakaniko champengna chanchirima
Date:
Share post:
