TURA: Re·anggipa Mongolbar salo, NEHU Tura Campus-ni ning·o donggipa Education Department-ni gita ‘National Education Policy, 2020 and the Roles and Policy of Higher Education and Reforms of Assessment in Higher Education’-ni bidingo Community Extension Program-ko North Garo Hills a·jani Mendipathar College-o ong·atangaha.
Ia program-ko ong·atanio NEHU Tura campus-ni Prof Nikme SC Momin jinmana aganprakangengon, National Education Policy 2020-ni ning·o Higher Education-o taridapanirangko agan-talate on·angenba, graduate ong·na gita mai dakgipa gunrangko chatro chatrirangna nangachim, uarangni gimin aganangaha.
An·tangtangni lesson-rangko poraiengon, golpoko ma·sichengesa mikosto ka·china gitaba ua chatro chatrirangko didiangaha.
Ia program-ko ong·atanio chatro chatrirangna agan-ku·pattie on·anggipa gipin manderangara, History & Archaeology Department-ni HOD Dr Tilok Thakuria, Computer Applications Department-ni Lecturer Dr Rubul Bania aro gipinrang ong·a.
