SHILLONG: Meghalaya a·doko Bharatiya Janata Party (BJP) baksa bakrimna manchianirang donga ine aganenggipani bidingo Trinamool Congress (TMC)-ni state president Charles Pyngrope-de mamingkoba ma·sija ine parakatskaaha.
Iani bidingo kobor ra·timgipa manderang baksa agangrikengon, iandake BJP baksa bakrimna miksongenga ine agananiara Delhi-o ma·mongni dilgiparang baksama ma a·dokni dilgiparang baksama ua an·tangde da·o dipet maming kobor dongkuja ine Mongolbar salo Pyngrope parakataha.
“Meghalaya a·doko BJP baksa TMC bakrimna sienga ingipani bidingo anga an·tangde mamingkoba ma·sia dongja,” ine Pyngrope aganaha.
Kobor on·timgiparangni parakatani gitade, adita salrangna skangsan TMC-ni dilgipa Mukul Sangma, ma·mongo BJP-ko dilenggipa manderangko grongeahachim.
Mukul Sangma-ni iandake ja·ku de·ani bidingo Meghalaya a·doko BJP-ni dilgiparangba ma·sikuja ineba kobor on·timgiparang parakataha.
Batanggimin somoirangoba, a·dokni gitcham chief minister aro TMC-ni dilgipa Mukul Sangma, BJP baksa bakrimna jotton ka·ahachim aro adita salrangna skangba ua, ma·mongo BJP-ni dilgiparangko grongetaiahachim ine kobor on·timgiparang parakataha.
BJP baksa bakrimna miksonganirang dongenga ine agananiko Mukul Sangma an·tangba jegalatskaahachim ine nikna man·a.
Indake ong·genchimoba, ua an·tangni demechik Miani D Shira, Dr Mizanur Rahman Kazi aro Rupa Marak baksa BJP baksa bakrimna miksongenga ine koborrangko man·sotaiaha.
TMC-ni dilgiparang, BJP baksa bakrimna miksongenga inako BJP-ni state president Ernest Mawrie-ba jegalatahachim ine nikna man·a.