AMPATI: Sombar sal July 17 tariko 50 Bn BSF Meghalaya, South West Garo Hills, Ampati Civil Hospital baksa bakrime Blood donation camp-ko ong·atangaha. Jeon sak 45 baten BSF personnel-rang camp-o an·chi on·gilange, uamangni songsalna dangdike on·na ja·ku de·aniko mesokangaha.
Blood donation camp-ko Comdt 50 Bn BSF, Sh Yuvraj Dubey, Second-in-Command Sh Randheer Singh Gill, 50 Bn-ni Ac/Mo Dr Heena Khan aro Ampati Civil Hospital-ni sakgni Medical staff-rangni dongpaniko a·bachengate on·angaha. Tom·anio bakko ra·e aganprakmitingo Ampati civil Hospital-ni Medical Superintendent Dr. Denishi G Momin, an·chi on·gilani gamchatani gimin aganangaha. “Sakprak mandeni on·gilgipa unit 1 an·chian adita bang·a gamchatgipa mandeni janggiko naljokatna man·a ine aganatengon, camp-o an·chi on·gilgipa BSF volunteer-rangko de·mittelataha. BSF, an·chi on·gilaniosan ong·aija songsalni namgnina aro mande jatna dakchakna pangna mikkango dongronga, ine aganataha.
World Blood Donor Day 2023-ko gisik ra·anio Blood Donation Camp-ko ong·ataha.
Camp-o medical officer-rang Dr. Denisha G Momin, Medical Superintendent, Dr. Lydia M Marak, Senior Medical & Health Official Ampati, Dr. Tami G Momin, Senior Medical & Health Officer IC Blood Bank Tura, Dr. Ambat D Momin Senior Medical & Health Official Civil Hospital, Ampati, Dr. Mikrak D Sangma Medical & Health Officer Ampati, aro Dr. Tosino CH Marak Medical & Health Officer Civil Hospital, Ampati- uamangko man·gope bak ra·tokaha.
Ampati Civil Hospital-ni Medical Superintendent, iandakgipa camp-ko ong·atanina kusi ong·aniko parakataha aro camp-ko ong·atna dakchakgipa 50 BN BSF dolrangko mittelataha. Blood donation camp-ko ong·atanio nambee matchotangaha.
