U·IATTIMGIPAONI
TURA: Sonibar walo, East Garo Hills a·jani Songsak Reserve-oniko niam gri bol ratenba Assam-ona salangenggipa gari bolsako A·chik Holistic Awakening Movement (AHAM)-ni membor-rang rim·aha ine kobor on·aha.
Koborko on·ani gitade, Songsak Forest Reserve-oniko niam gri bol ratenba, Assam a·dokchipak salangenga ine AHAM-ni membor-rang koborko man·soani ja·man, Sonibar walni 12:30 bajimango ia gariko champengsona man·aha aro ia garioniko sandion, uamang ratdaldal bolrangko ia gario man·aha.
Ja·mano ia bol aro garirangko AHAM-ni membor-rang, Forest department-ni manderangna pakwate on·ataha ineba u·iataha.