U·IATTIMGIPAONI
TURA: SSA school skigiparang, All Garo Hills SSA School Teachers’ Association (AGHSSASTA)-ni bimango changsatai uamangni dormarangko bariatan baksa uamangni service-ko parmanent dakchina gita nangnike aganaha.
Mijal Sombaro Chief Minister Conrad Sangmana Memorandum on·gipao janapa je, SSA skigiparang uamangni da·ao ka·enggipa category-o kam ka·a da·o bilsi 21-rang ong·angpilaha, indakoba a·dokni gipin regular teacher-rang baksa tosusagenchimode chingade namen galchipako man·enga ine Association parakaha.
SSA, ma·ekgipa ong·ja indiba RTE baksa man·chapgiminan ine jaksi ote aganengon, Education Department-ni ning·o aro da·oni State Education Society-ni RTE-ni niamrango uamangkoba mande mingna birong channa nanga ine teacher-rang aganaha.
Indakeba nikatna man·a je, LP aro UP skigiparangni dormaharangko bon·kame re·anggipa 2017 bilsio Gong 19,044 aro Gong 20,493-ona bariatahachim.