U·IATTIMGIPAONI
AMPATI: Adita jarangna skang, Union Ministry of Jal Shakti-ni a·bachengatgipa Jal Shakti Abhiyan – Catch the Rain (JSA-CTR) Campaign-ni ning·o Jal Shakti Kendra Control Room-ko South West Garo Hills a·jani Ampati-o donggipa gital Deputy Commissioner Building-o kuliaha.
Jal Shakti Kendra, ian South West Garo Hills district-o chini bidingo pilak neng·nikaniarangna aro sing·anirangna biap damsaon knachakani ba aganchakaniko man·a amgipa centre ong·a.
District-o JSA-CTR baksa nangchapgipa pilak service-rang aro kamrangko District Rural Development Agency (DRDA), Agriculture & Farmers Welfare, Public Health Engineering (PHE), Water Resources aro Soil & Water Conservation department-rang salantian office-ni somoio ka·e on·enga.