U·IATTIMGIPAONI
SHILLONG: Ia bilsini Secondary School Leaving Certificate (SSLC) porikkao nambate chu·sokanggipa Ri Bhoi a·jani sak 26 chatro chatrirangna mande ra·pilskaaniko dakna gita Sonibar salo, Ri Bhoi Youth Federation (RBYF)-ni gita dingtangmancha program-ko ong·atangaha.
Ia program-ko ong·atanio, SSLC porikkao teng·sugipa chatro chatrirangna agreba, Higher Secondary School Leaving Certificate (HSSLC)-ni Science, Commerce aro Arts stream-o name chu·sokanggipa chatro chatrirangnaba mande ra·pilskaanirangko dakangaha.
Ia felicitation program-ko ong·atanio Shillong-ni Lok Sabha MP Vincent H Pala, Nongpoh-ni MLA Mayralborn Syiem, Umsning-ni MLA Celestine Lyngdoh, Umroi-ni MLA Damanbait Lamare, RBYF-ni president Bipul Thangkhiew aro gipin dilgiparangba bak ra·angtokaha.
Ia program-ko ong·atanio dingtang dingtang dilgiparang, jinmana aganprakengon, SSLC aro HSSLC porikkarango teng·sugipa ong·e jatna aro a·songna mikkim rasongko ra·baahani gimin chatro chatrirangko mittelpilangenba, chatro chatrirangni chu·sokanina iandake mande ra·pilskaani program-rangko ong·atenganina RBYF-ni dilgiparangkoba mittelpilangaha.