Shillong: Sorkari bang·ba power project-rangko ra·dapna cholrangko nienga, jedakoni a·doko biljolini bilko tang·dodapatna men·gen, ine Power Minister, Abu Taher Mondal aganaha.
“Bang·a power project-rang gnang, indiba uni economic-ni gita kam ka·na bil chu·ongja. Uni ortora ra·bani bil tang·dokujaenga. Chinga iani gimin chanchirimaniko dakenga, aro project-rangko ra·badapna cholrangko nienga, jedakode a·doko bijoli chu·ongna gita watna man·gijaniko nambatatna man·gen,” ine Power Minister aganaha.
Ua agana, sorkari Umiam hydel power project-ni gimin chanchianiko dakenga, aro ua jolni MLA aro ia project-na je dolrangan a·a on·na jechakengachim, uamang baksana agangrikaniko dakenga.
“Chinga ia project-ko NEEPCO-na pakwataha. Ching 12 per cent-ko indin man·aha aro Umiam power project-ko chu·sokatna gita 3 per cent ua jolko namroro silroroatna nanggen, ine ua aganaha.
A·dok sorkari Umiam hydel power project-ni bidingo MOU-ko NEEPCO baksa October 2022-o soi ka·ako nikangna man·aha.
Apsan somoio Power Minister agana, uamang bang·a chisamrangni gimin poraenga aro Pump Storage Projects (PSPs)-ko donnaba jotton ka·enga.
Chinga indakgipa project-rang a·bachengatanio maidakgipa bite nakatgen, uni gimin ma·sina skenga. Bilsokgipa ong·a ine ma·sigenchimoba chinga PSP-ko Umiam Dam-o donkujaenga,” ine ua agandapaha.
Mni re·anggipa somoio Mondal agana, Pump Storage Projects (PSP)-ko donna gita Meghalaya bilsokgipa ong·a aro 4 PSP Project-ko NTPC-ni technical-ni gita dakchakaniko man·e 3,100 MW-ko ra·chakna man·aigen, indiba indakgipa project-na da·omitingo gimikna bate dal·bate chanchina nanganide tangka chamani bidingo ong·aha.
