SHILLONG: Tura-ni Lok Sabha MP Agatha K Sangma, an·tangni constituency-na maming namgnirangkon ra·bana man·jaha ine dingtang dingtang dolrangni matnanganiko National People’s Party (NPP) jegalataha.
Agatha-ni kosako matnanganiko jegalatengon, Tura Lok Sabha constituency-na ua bang·en kamrangko ka·aha ine NPP-ni working president aro a·dokni Cabinet Minister Marcuise N Marak parakataha.
“Ua (Agatha) Tura constituency-na bang·en namgnirangko ra·baaha. Bang·a skulrangnan ua MP scheme-oniko skul nokrangko rikna on·aha aro ma·mong sorkarini scheme-rangkoba ua bang·en man·bae on·aha,” ine Marak aganaha.
Parliament-o Tura MP-ni Citizenship Amendment Act-ni kosako maming jegalanirangko dakjahani giminde ua mamingkoba aganskajaha.
Ia chang Lok Sabha election-ni bidingo janapatengon, Meghalaya a·doko apsan dolonin MP sakgni ong·genchimode, Meghalaya a·dokna ma·mong sorkarini scheme-rangko bang·bate ra·bana man·genchim ine Marak parakataha.
“Tura-o Agatha Sangma chegipa ong·telgen aro Shillong Parliamentary seat-koba chinga chena ka·dongenga. Chief Minister Conrad Sangma-ni dilanichi NPP, a·doko dingtangatna rakbee kamrangko ka·ahani gimin chinga Khasi aro Jaintia Hills a·jani manderangkoba NPP-na pjani manderangkoba NPP-na pu·onchina didienga,” ine NPP-ni working president aganaha.
Parliament-ona NPP-ni MP sakgniko watatna man·genchimode ma·mong sorkarini ra·gatgipa pilak scheme-rangkon man·bana gita altubatgenchim ineba ua aganaha.