Monday, April 15, 2024
spot_img

Gue game cha·enggiparangko dakchakna MSP-ko nangenga: Rymbui

Date:

Share post:

spot_img
spot_img

SHILLONG: Meghalaya a·doko gue game cha·enggiparangba a·dokna bang·en kajinarangko man·e on·paengoba, ia bilsirango gueni dam tang·onangahani a·sel gue game cha·enggiparang, noksan ong·na nangtokengani gimin gue game cha·giparangko dakchakna gita Minimum Support Price (MSP)-ko ra·gatna nangenga ine Mongolbar salo, UDP-ni MLA Lahkmen Rymbui, Assembly-ni Budget Session-o aganaha.

Rymbui-ni parakatani gitade, 2022-23 bilsini gisepo gue game cha·enggiparang gimik gong kror 382.22 tangkarangko a·dokna on·gilpana man·ahachim indiba da·o gueni dam tang·onangahani a·sel uamang, guerangko badinge cha·anio neng·nikanirangko chagrongna nangskaengachim.

Batanggimin bilsibrini gisepon Meghalaya a·doko gue game man·ani namen tang·doangahachim maina 2019-2020 bilsirango guerangko hectare 18,231 a·arangosan gamkuaiengachim indiba da·o hectare 34,410 a·arango guerangko gamskaengahachim.

Ian a·doko manderangni gue game cha·na gisik nangbatrorobaenganiko mesokani ong·enga indiba bilsiantian gueni damrang tang·onroroangskaenga ine Rymbui, suk ong·gijaniko parakataha.

Meghalaya a·doko songdongenggipa manderang guerangko game cha·na gisik nangbatrorobaengani gimin economy-ba tang·dobatengachim indiba bilsiantian gueni dam tang·onroroangengani a·sel gue game cha·giparang noksan ong·atako man·skana nangenga ine janapatengon, gue game cha·enggiparangna sorkarini gita tangka paisarangchi dakchakanirangko on·engan baksana a·doko game man·enggipa guerangko gipin biaprangchi watna miksonganirang dongama ine Rymbui, a·dok sorkariko sing·doangaha.

Guerangko India sorkarini Tribal Affairs Ministry, minor forest produce ine gue kg-prakna India sorkari gong 200 ka·e MSP-ko tik ka·ahachim ine janapatskaengon, “Guerangko game cha·anio noksan ong·enggipa manderangna a·dok sorkariba MSP-ko ra·gatahama?” ine UDP MLA sing·doangaha.

Uni sing·anirangna aganchakaniko on·angskaengon, Meghalaya a·doko gue game cha·anirang batrorobaengani gimin sorkari, pilakni gitan game ge·e cha·giparangna dakchakanirangko on·na jotton ka·enga aro a·dokni dingtang dingtang biaprango dam 46 gue tariani karkana (processing unit)-rangko kulie on·na man·aha ine a·dokni Agriculture & Farmers Welfare Minister Ampareen Lyngdoh parakataha.

A·doko gue game cha·enggipa manderangna sorkari pilakni gitan dakchakanirangko on·angkugen aro UDP MLA-ni nangnikenga gita MSP-ko ra·gatani bidingo chanchianggen ine a·dokni Chief Minister Conrad K Sangma-ba ku·rachakaniko on·angaha.

spot_img
spot_img

Related articles

KKR’s Salt, Starc prove too hot for Lucknow Super Giants

Kolkata, April 14: Opening batter Phil Salt’s magnificent 89 not out complemented pacer Mitchell Starc’s brilliant bowling show...

Reservation Policy-na VPP-ni jingjengatanichi maming namgniko man·ja: NPP

SHILLONG: 1972 bilsini State Reservation Policy-ko Voice of the People’s Party (VPP)-ni jegale jingjengatanichi maming namgnirangkon ra·bana man·jaha...

National Nuggets

VHP leader shot dead in Nangal RUPNAGAR, April 14: A local Vishva Hindu Parishad (VHP) leader was shot dead...

Army successfully conducts field trials of anti-tank guided missile system

NEW DELHI, April 14: The Indian Army has successfully carried out field trials of indigenously-developed man-portable anti-tank guided...