SHILLONG: Tourism Minister, Paul Lyngdoh, a·doko niam ritiko rakkioni chu·sokjaengani gimin jajrenganiko parakataha. “Jemangan a·doko kajia golmal ka·e so·sojengjeng ong·aniko ra·baenga, uamang a·dokni namroro-silroroaniko nikna man·gijagiparang ong·a. Meghalaya a·doko nitobegipa biaprang dongani gimin dingtang dingtang biaprangoni manderang nina gita re·batokenga, da·oni somoio heat wave ba sal ding·petanggenchimoba a·dokni tourism namenga ine Lyngdoh aganaha.
A·doko golmal ong·engani bidingo Home Minister Prestone Tynsong baksa agangrikaha, aro uan ia mamlako ta·rake nirokate tom·tomatna ka·dongataha ineba Lyngdoh agankuaha.
Iarangni gisepon a·do-ko golmal ong·enganiara gipin biaprangoni biap nina re·bagiparangko komiata-ma ine sing·on, Tourism Minister, indine aganaha, “da·ode ta·rake mamingko agana man·kujawa maina an·chingni tourism June jaosa namen tang·doronga.
Uandake a·doko niam ritiko tom·tome rakkina sorkari, police department-ko nirokna ge·etaha. Uni gimin ta·raken tom·tomani sokbapilgen ine Lyngdoh aganaha.
Iarangni gisepon Lyngdoh, a·dokni pilak manderangkon tom·toma-niko rakkichina mol·molata-ha, a·doko so·sojengjeng ong·e dongode tourism-o nangchakgen, unode an·chingni jong/ada aro no/abirang jemangan business ka·enga, uamangan neng·nikako man·gen ineba Lyngdoh agankuaha.