TURA: West Garo Hills a·jao Batabari-oni Tarapara, Goalgaon gita Shidakandi-ona rama tariani aro Goalgaon-oni Peradanga-ona rama bakrodapate tarianirang namjaenga ine All Meghalaya Minorities Labour Union (AMMLU) matnangatenba, ia rama tariani kamrangko dontongatpilkuchina West Garo Hills a·jani Deputy Commissioner-ko didiataha.
AMMLU-ni parakatani gitade, ia ramarangko tariani bidingo uamang RTI ka·e sing·sandianirangko dakon, ia ramako tarianirang a·bachengo estimate ka·ani gita ba hisapani gita ong·jaenga ine nikna man·aha aro ia ramao tarigipa culvert-rang, da·o be·srina a·bachengtokengaha ine nikna man·aha.
“Ia ramao tarigipa culvert-rangko nigenchimode chingni RTI-na aganchakgipa report baksa meligrikjaenga ine nikna man·aha aro ia ramao tarigipa culvert-rang bang·batan da·o be·sritokengaha. Tarapara-o apalbatate tarienggipa ramaba estimate ka·gimin gita ong·jaenga aro AMPT Road Shidakandi-oni Goalgaon-ona tarigipa ramakoba chi bananiko hisapgijasa tarienga ine chinga nikna man·aha,” ine AMMLU-ni dilgiparang parakataha.
Ia ramarangko sorkarini estimate ka·gimin gita tarijagenchimode chi banani somoirango manderang re·a doanirang bang·en neng·nikanirangko chagrongna nanggen ine janapatengon, ia rama tarianiko Magisterial aro Technical investigation ka·chengna gita kamrangko dontongatchengna nanga ine AMMLU, West Garo Hills a·jani Deputy Commissioner-o dabiangaha.
Batabari-oni Shidakandi-ona rama tarianiko dontongkuchina AMMLU dabia
Date:
Share post:
