Shillong: Gital seokako man·gipa Tura Congress MP, Saleng A. Sangma, uni MLA-ni post-ko Sombaro watgnok, jean da·omitingo Gambegre constituency-ni MLA ong·engachim.
Tura Parliamentary seat-oni Congress MP ong·e seokatako man·ani ja·man ua MLA-ni post-ko watskana parakaha.
Brigipa changna MLA ong·gipa Saleng Sangma, uni MLA-ko watani chittiko Assembly Speaker, Thomas A. Sangma-ona on·anggen.
Indake nikatna man·a je Tura Congress MP, skanggipa changna 2008 bilsio Congress tikit-o susae election-o cheahachim.
Uni ja·mano 2013 bilsio una Congress tikitko on·jaomangba ua independent candidate ong·e susaeba chebakuaha.
Indake, 2018 bilsio ua NCP tikito susae cheaha aro arobatai 2023-o uni gitcham Congress party-onan re·bapile brigipa changna chetaiaha.
