M’laya-ni MP sakgittamko Parliament-ni dingtang dingtang committee memborrangna seoka

New Delhi: Meghalaya-ni sakgittam MP-rangko, Parliament-ni dingtang dingtang standing committee-rangni memborrangna seokaha, je committee-rangkon mini-Parliament ine chana aro uamangan House-o session dongjamitingo kamrangrangko ka·anggen ine mnisal walo parakataha.
Rajya Sabha-ni NPP MP Dr. W Kharlukhi-ko Committee on Science aro Technology, Environment, Forests aro Climate-ni memborna seokaha. Shillong-ni VPP MP Dr. Ricky Andrew J. Syngkon-ko Committee on Chemicals aro Fertilizers-ni memborna seokaha, unomitingo Tura MP Saleng Sangma-ko Committee on Personnel, Public Grievances, Law aro Justice-ni memborna seokangaha.
Department-o nangbakgipa standing committee-rang, jeon dingtang dingtang party line-rangoni dongachim, dingtang dingtang ministry-rangp dangdike on·anggen jerangkon Rajya Sabha Secretariat-oni parakataha. (eom)