Nokmakundi: Niamgri an·cheng cho·ako dongtongjani gimin Assam aro Meghalaya damgni a·dokni dingtang dingtang organisation-rang Sonibar salo meeting-ko ong·ataha aro niamgri an·cheng cho·ani mamlako sorkari nirokatjani gimin rally ka·ngaha.
Assam aro Meghalaya border-ni Mothers’ Union meeting-ko dilangaha aro niamgri an·cheng cho·anichi manderangni janggi tanganio neng·nikanirangko ra·baani gimin tom·anio chanchirimangaha. Meeeting-ko Assam-Meghalaya border Nokmakundi songo ong·ataha.
Garo Students union (GSU) Assam State Zone, Garo Women Council (GWC), All Bodo Students Union (ABSU), Garo Gaonburha Association-ni dilgiparang aro dingtang dingtang organisation-ni bak ra·tokaha.
“Niamgri an·cheng cho·aniko dongtongja ong·ode mikkangchi an·chingna jakkalna an·chengan dongjawajok. An·ching grigipa chiring-chibimarang chio donggipa na·tok-na·batrango nangchakegen, chi sepango donggipa a·arang be·wakanggen aro dingtang dingtang neng·nikarangko ra·bagen. Salantian bol ritchasa trak garirang an·cheng gate challan gri niamgri Guwahati-ona re·angenga.”
“Niamgri an·cheng cho·aniko dontongani palo forest department trak bolprakoniko tangka ra·rike kamaiskaenga. Aro ua tangkarangara Chief Minister-onan sokangenga. Forest department, Rangjuli, Dudhnoi, Dhupdhara-o ramajol sepangon forest office-ko songaha.”
Indake manderang jinma apsan ong·e jingjengata ong·ode ba jegalangode sorkari, niamgri an·cheng cho·aniko nirokate dondipatna donga.
“Nokmakundi aro Kalikapara-o niamgri a·cheng cho·ani bidingo meja bilsi 2023 March 14 tariko authority-na u·iatahachim indake authority, niamgri an·cheng cho·giparangni kosako ja·ku de·na a·bachengahachim indiba bilsi gipinoni apsan dake kamrangko a·bachengtaiaha.
Niamgri an·cheng cho·ani a·sel nangchakegipa songrangara- Nokmakundi, Kasumari, Wanglapara, Kalikapara, Damra, Damra Patpara, Tengasot, Bakrakhuti (Assam jol) aro Meghalaya-oni Nogolpara, Kentra, Nameram aro Ansalipara iarang ong·a.
Assam-Meghalaya sima ari jolo niamgri an·cheng cho·ako jegale jingjengata
Date:
Share post:
