SHILLONG: Gambegre constituency-oni gital MLA-na seokatako man·gipa Mehtab Chandee Agitok Sangma da·al State Legislative Assembly member ong·na ku·mkikchetanggen.
Assembly Speaker Thomas Sangma, Assembly secretariat-o uni office office chamber ku·mikchetaniko dakatgen.
Chief Minister Conrad Sangma-ni jikgipa Mehtab, batanggimin Gambegre Assembly seat-na by-election ong·atgipao 12,678 vote-rangko man·e election cheaha.
Gambegre-ni gitcham MLA Saleng Sangmani, Tura Constituency-oni Lok Sabha MP-na seokatako man·enba MLA-ko watangani ja·mano re·anggipa November 13 tariko by-election-ko ong·ataha.
By-election ong·atanio 90.93 per cent ong·e sak 33,088 voter-rang puonahachim.
Mehtab, saksa medical professional, skanggipa changna political a·bao ga·dapeaha, jean by-election-o niksenggipa susarimgiparangko chebaaha.
Ua, uni sepangchapchap ssusagipa Trinamool Congress (TMC) canddiate Sadhiarani M. Sangma-ko 4,594 vote-rangchi cheaha.
Rangsakona-o changgitamna MLA ong·gipa Zenith Sangma-ni jikgipa Sadhiarani, ge 8,084-rangkosan man·ahachim.
Gambegre by-election-o Mehtab Chandee-ni chebaani ja·mano da·o dipet NPP-chi dilenggipa MDA sorkario, United Democratic Party (UDP)-ni sak 12 MLA, Bharatiya Janata Party (BJP)-ni sakni, Hill State People’s Democratic Party (HSPDP)-ni sakgni, aro Independent MLA sakgni bakrimengachim. 2023 bilsini Assembly election-o NPP, dam 26 seat-rangko cheahachim indiba uni ja·man People’s Democratic Front (PDF)-ni MLA sakgni aro ia bilsini gisepo Congress dolni MLA sakgittamba NPP-o napangahachim.
