SHILLONG: A·dokni chatro chatrirang, dingtang dingtang jakni kamrangko skie ra·na, nursing certificate-rangko skie ra·na aro MBBS ba FB certificate-rangko man·na gita dakchakaniko on·na a·dok sorkari, dingtangmancha a·dokni dingtang dingtang biaprango skill lab damgittamko kulina miksongenga.
Ia skill lab-rangko, East Khasi Hills a·jani Shillong-o, West Garo Hills-ni Tura-o aro West Khasi Hills a·jani Nongstoin-o kuligen.
Iani bidingo kobor ra·timgiparangna talataniko on·angengon, a·dokni chatro chatrirang, gipin a·songrango kamrangko ka·e cha·pana cholrangko man·na gita iandakgipa skill lab-rangko nangchongmotenga ine a·dokni Cabinet Minister Ampareen Lyngdoh parakataha.
“Korea, Japan, England aro Singapore a·songrango kam ka·giparang chu·ongjaenga ine an·ching nikna man·enga aro ia skill lab-rangko Shillong, Tura aro Nongstoin-o kulianichi chatro chatrirang, dingtang dingtang kamrangni gimin skie ra·dapenba, ia a·songrango kamrangko ka·e cha·pana cholrangko man·naba gnang,” ine Lyngdoh aganaha.
Da·o dipet ia skill lab-rangna proposal-ko a·bachengmitingsan ong·kuenga ine janapatengon, ia skill lab-rangko kulina gita sorkari, biaprangkode seokmanaha ine Lyngdoh parakataha.
“Chinga iani bidingo chief minister baksa agangrikenga aro an·chingni chatro chatrirangna kamrangko ka·e cha·na gita Meghalaya a·dokni biap damgittamo ia skill lab-rangko nangjawa ine darangba aganna man·jawa,” ine Minister aganaha.