TURA: Re·anggipa January 30 tarikoni a·bachenge, da·al February 1 tarikona, Muga Farmers Skill Training program-ko North Garo Hills a·jani Rompara-o donggipa P-3 Seed Station-o salgittamna ong·atenga aro ia training program-ko ong·atanio, North aro West Garo Hills a·jaoni Muga farmer-rang aro kamgri ong·e dongenggipa chadamberang gimik sak 25 bak ra·enga.
Ia training program-ko a·bachengatanio, Textile Department Garo Hills-ni Zonal Officer (Sericulture) Sanre G Momin, mongsonggipa sokgipa ong·e bak ra·angaha aro ia tom·anio ua jinmana aganprakangengon, sericulture-ni ning·o aro mugarangko jilanichi maikai an·tangtangna janggi tangani cholrangko dake ra·na man·gen, uarangni bidingo agan-talatanirangko on·angaha.
Mugarangko jilanichi Garo Hills-o manderangni janggi tangani gadangko dingtangatna aro kamrangko ka·e cha·na cholrangko nakatatgen ineba Momin, an·tangni ka·dongchakenganiko parakangaha.
Ia tom·anio, South Garo Hills District Sericulture Office-ni Manager Sony G Momin-ba dongpae jinmana aganprakengon, muga jilgiparangni dakna nanggni kamrangko agan-talate on·angaha.
Ia program-ko ong·atanio P-3 Unit Rompara-ni Scientist C Dr Vikram Kumar-ba jinmana aganprakangengon, ia training program-ko ong·atani bidingo jinmana talate on·angenba, ia training matchotahaon, training-o skie ra·gipa manderangna certificate-rangko on·gen ine parakataha.
Ia salgittamna ong·atenggipa training program-o Central Silk Board-ni dingtang dingtang scientist-rang, skie ra·giparangna agan-talatanirangko on·enga.
