Williamnagar: Mejaomangmang bilsi 19 ong·gipa me·chikko ka·saninggija so·ote kate dongenggipa dos dakgipako mandeko nokchake donenggipa manderangko East Garo Hills (EGH) police mikrakataha.
East Garo Hills Williamnagar Samgong-o meja July 18 tariko ong·gipa obostao dos dakgipa James R Sangma-ko manderang dongnue dongna biapko on·e dakchakenga ine u·ina man·aha ine SP, notice-ko on·aha.
Indake jemangan dos dakgipako jokkatna miksonge dongnue dongna gita dakchakenga uamangni kosako ja·ku de·na mikrakataha. Dakchakgiparangko rim·a man·ode bilsi bonga ba una bate somoina pattoko donata man·gen ine mikrakatenba, jemangan dos dakgipako jokatna dongnue dongna gita biapko on·e dakchakenga, ba saobarang dongnue donggipani gimin u·ia ong·ode ta·raken police station, outpost ba sepangbatgipa Police unit/Police officer/personnel-na u·iatchina ge·etaha.
Dos dake kate dongenggipa Sangma, gipin POCSO case-oba jak donggipa ong·a. Ua jamino ong·kate donggipa ong·a, indake meja July 18 tariko bilsi 19 ong·gipa me·chikko saljrakjrak somoion mamingna kengijaan ka·saninggija so·ote galaha, ua salonin kate dongenga. Da·onan police uko rim·na man·kujaenga.
Bilsi 19 ong·gipa me·chikko so·ote kate donggipana dakchakenggipa EGH police mikrakata
Date:
Share post:
