SHILLONG: A·dokni politics-o Opposition dilgipa Dr. Mukul Sangma-ni re·mikkangani bidingo dingtang dingtang katta aganarangko nikenga, Trinamool Congress dolni ning·o agananirangko dakaha jeon a·gipi dilgipa uni ja·ku de·aniko mikkang bilsiosa dakgen ine aganangaha.
Party-oni jean unbaksa sepangbate kam ka·gipani parakatani gitade, Mukul Sangma ia somoirango gipin party-rango napangna maming dakgipa ju·rangko de·jawa ine parakataha. “Mukul Sangma-ni mikkangchi maidakgipa ja·ku de·gen iani bidingo dingtang dingtang agananirangko dakenga, mitamrang aganenga, ua Congress-ona re·angpilna nanga, mitamrang aganenga, ua BJP-o bakrimnaba donga. Aro gital dakgipa kattarang nakatenga jeon Mukul Sangma NPP-ona napnaba donga ine aganaha.
“Chingni u·iani gitade, ua da·o jripjrip dongenga aro ua mamingon sko sajaenga,” ine Trinamool Congress-ni mande aganangaha. Je dal·begipa chanchianina jedakgipa ja·kuko de·a ong·ode uan mikkang bilsio Mukul Sangma-ni gita ja·ku de·anggen, ian a·doko political-ni kamrangko nigrikesa kam ka·gen ine uamang aganangaha.
Uamangni a·sol party-rang baksa dongkamgenma ma gipinona jitgenma iarangna chanchianiko dakangna skang da·o ong·enggipa kamrangko Mukul Sangma-san ong·ja sakgipin MLA-rangba nnichengenga ineba janapataha.
Election ong·na da·o bilsignisanjok, political party-rang gipin party-rangoni candidate-rangko man·a kam ka·chakatengaha. Bang·a MLA-rangan da·o uamangni a·jatango gisiko nange kamrangko ka·engaha, mitamrang joltangni programme-rango bak ra·engaha mitamrang uamangni voter-rang baksa ramarangko tariengaha aro uamangni constituency-rango dingtang dingtang project-rangko niangengaha.
