SSMP, Shillongni jabol galchakram chogukako tekchanga

SHILLONG: Meghalaya a·dokni Urban Affairs Minister Sniawbhalang Dhar, uni ku·rachaka gita mijalo Shillong songjinma gimikoniko jabolrangko galchakenggipa biap Mawlai-ni Marten-ona re·ange nirokena ja·manchakahani gimin, Seng Samla Mawlai Pyllun (SSMP), jabol galchakenggipa biapni gate ba cholgukako tekchangaha aro jabol salanggipa trak gari bolsakoba napna on·jahachim.
Sorkarini daito ra·gijanina suk ong·gijaniko parakengon, da·o jabol galchakenggipa biapni mamlara ru·uta somoirangonin ong·a aro a·dok sorkari da·alona kingkingba jabol galchakna gitalgipa biapko sandikujaenga ine SSMP, suk ong·gijaniko parakaha.
Indake ong·engon, pangnajolna cholinagipa biapko sandichina SSMP dabiaha aro sorkarina biapko mesoke on·na gitaba tariahachim ineba uamang aganaha.
NEIGRIHMS Hospital gita dakgipaoni sogimin ba galgimin bosturangko Marten-o namedake nosto ka·e ba jrongate galani techonoly-rangkoba SSMP, jakkalna nangnikaniko parakaha.
Unomitingo, re·baenggipa July 31 tariko Meghalaya Urban Affairs Minister baksa jabol galram Marten-ona re·ange niegen ine Shillong Municipal Board Chief Executive Officer, da·al SSMP-na u·iataha.

Get real time updates directly on your device, subscribe now.

Comments are closed.