Umiam- Jorabat four-lane ramako NHAI nirokenga: Prestone

SHILLONG: Nongpoh MLA Mayralborn Syiem mijal Mongolbar salni Assembly tom·anio, Umiam- Jorabat four-lane ramani badiaba bakrango wachikarango chi ditoe donggipani bidingo chanchianiko nakatataha.
Nongpoh aro Umling jolrango wachikario chi skate dongania mingsa mongsonggipa neng·nikanian ong·a ine Syiem aganaha.
Indake ong·engon, je tikka ra·gipaan drain ba nalako tarina gita tikka ra·ahachim, ukon kamrangko name ka·china aganna nanga ineba ua aganaha.
Uni sing·anirangna aganchakengon, Nongpoh aro uni wilwilaogipa adita biaprangode nala taridapanirang matchotaha indiba mitam biaprango tarina man·kujaenga aro National Highways Authority of India-an Ri Bhoi district administration baksa ramarangko nikenga ine Deputy Chief Minister Prestone Tynsong aganchakaha.
Unaskang, Nongpoh-Umden-Sonapur ramako tarina gita detailed project report (DPR)-ko tariengaha aro matchotnasiengaha aro ia project-na kror 83.98 tangkarangko chamaha ineba Deputy Chief Minister Prestone Tynsong aganaha.