TURA: South Garo Hills a·jani skul damgniko government higher secondary skulni gadangona ra·doatchina didie, South Garo Hills a·jani social activist Greneth M Sangma, a·dokni Education Minister Rakkam A Sangma-na sedoataha.
Ia skul damgniara 1961 bilsio kuligipa Balkal Asim Govt Deficit UP skul aro 1986 bilsio kuligipa Mindikgre Adhoc Secondary skul ong·a.
Ia skulrangko matric centre gnang, sorkari Higher Secondary skulni gadangona ra·doatchina Education Minister-ko didiatengon, ia skulo nokrang, asongchakani aro sechakanirangba chu·ongjani a·sel poraienggipa chatro chatrirang neng·nikanirangko chagrongna nangtokenga ine Greneth parakataha.
2008 bilsionin ia skulrango sorkari higher secondary skulni gadangona ra·doatchina mol·molengoba da·onan ia mol·molanirangko sorkari chu·sokate on·kujaenga ine janapatengon, ia skulrango matric centre-rang dongjani a·selan chatro chatrirang, chel·a biaprangonasa re·rurae porikkarangko sena nangengani a·sel neng·nikanirangko chagrongna nangtokenga ine Greneth parakataha.